Дәрігерлер мен ғалымдар коронавирустың жаңа штаммының басты симптомын атады, деп хабарлайды Zakon.kz.
Sputnik радиосына берген сұхбатында медицина ғылымдарының кандидаты Зухра Павлованың айтуынша, "омикрон" штамм инфекциясының басты симптомы – қатты шаршау. Мұндай тұжырымды, бірінші болып, Оңтүстік Африка Республикасының дәрігерлері жасады.
Алайда бұл симптом, дәрігердің айтуынша, басқа аурулармен де қатар жүре алады. Науқас өз жағдайының ауырлығын өз бетінше бағалай алмайтындықтан, мұндайда медициналық көмекке жүгінуі керек: дәрігер сұрақтар қоя отырып, қалыпты шаршау мен өршуші аурудың белгісі ретіндегі қалжырауды бір-бірінен ажырата алады.