Қоғамдық денсаулық сақтау басқармасының мәліметінше, бұл - вакциналаудың толық курсынан өткендерге қайта салынатын (ревакциналау) вакцина.
Ревакциналау вакциналаудың толық курсынан өткеннен кейін алты айдан ерте жүргізілмейді. "Sputnik Light" - бұл векторлық вакцина, оның құрамы Спутниктің бірінші компонентіне ұқсас. Вакцинаны минус 18 градусқа дейінгі температурада сақтау керек.
Алматыда ревакциналау үшін мыналар қолжетімді: QazVac, VeroCell және жаңадан келіп жеткен "Спутник Лайт" партиясы.
Pfizer препаратын оны алуға жататын контингент, сондай-ақ 60 жастан асқан адамдар мен медицина қызметкерлері қайта салдыра (ревакциналау) алады.