Гепатолог Наталья Марченко Sputnik радиосына берген сұхбатында асқазанның қыжылы, іштің кебуі немесе іш ауыруы қарынды тойдырып алып, ыңғайсыз қалыпта жата кетудің салдарынан болуы мүмкін екенін ескертеді.
Егер тамақ ішкен соң 1,5 сағат бойында жата кетіп немесе еңкейіп отырсаңыз, онда тамақ пайдаға емес, зиянға айналады, - деді Марченко.
Сарапшының айтуынша, асқазан-ішек жолдары ауруына шалдыққан науқастарға тамақтан кейін жатпау өте маңызды.
Дені сау адамдардың өзінде бұл ыңғайсыздықты тудыруы мүмкін, ал асқазан-ішек ауруларына шалдыққандарда тамақтанғаннан кейін жата кету диспепсиялық синдромға әкеліп соғады. Дәрігер-гастроэнтеролог, гепатолог Наталья Марченко
Тамақтану кезінде дәрігер тамақты жақсылап шайнауға кеңес береді, өйткені мұны неғұрлым мұқият жасасаңыз, тамақ сілекеймен жақсы байланысып, ас қорыту процесінде оңай сіңеді.
Сонымен қатар, тамақтанғаннан кейін аяғыңызды қысып немесе құшақтап отырмаңыз. Дәрігер тағамды қойыртпақ болғанша шайнау керектігін баса айтты.
Жаңалық сипатындағы материалдарды дәрігердің тағайындауындағы рецептімен теңестіруге болмайды. Қандай да бір шешім қабылдамас бұрын маманмен кеңесіп алғаныңыз жөн.