Etnt басылымы америкалық дәрігерлер Фрэнк Ху, Хичам Скали және Чики Анеквенің сөздерін алға тартты.
Тамақтану саласындағы сарапшы Фрэнк Ху тамақ құрамындағы қант мөлшерін қатаң бақылауға кеңес береді, өйткені оны шамадан тыс тұтыну семіздік пен қант диабетін тудырып қана қоймайды, сонымен қатар жүрек-тамыр ауруларының пайда болу қаупін арттырады. Көптеген зерттеу көрсеткендей, артық қант инсульт пен инфаркт қаупін жоғарылатады.
Денсаулықты байқаусызда бұзатын тағы бір жаман әдет - қозғалыссыз өмір салты. Қозғалыстың аз болуы қант диабеті және жүрек ауруларын тудырады, тіпті тұрақты спорттық жаттығулар жасап жүргеннің өзінде де деп сендіреді маман.
Неғұрлым көп отырсаңыз, бұлшықеттеріңіз дененің негізгі энергия көзі глюкозаны аз пайдаланады. Үнемі отыру инсулиннің көбірек бөлінісін тудырады, бұл қандағы қанттың жоғарылауына әкеліп соғады. Кардиолог Хичам Скали
Дәрігер Чики Анекве қарындағы висцеральды майды елемеу қауіпті екенін айтады. Ол зат алмасу және қабыну процесіне қарсы тұру қабілеттерін жояды. Сондықтан қант диабеті, гипертония, деменция, астма және онкологияның кейбір түрлерінің қаупі артады.
Жаңалық сипатындағы материалдарды дәрігердің тағайындауындағы рецептімен теңестіруге болмайды. Қандай да бір шешім қабылдамас бұрын маманмен кеңесіп алған жөн.