Алматы қаласындағы Достық даңғылында ірі жол апаты орын алды деп хабарлайды zakon.kz.
Mercedes автокөлігі Достық даңғылымен жоғары жүріп келе жатқан, ал жолдың қарсы бетінде Infiniti автокөлігі төмен түсіп келе жатқан.
«Горный Гигант» бұрылысына жеткен тұста жылдамдықты асырған Infiniti жүргізушісі жолдың қарсы бетіне шығып, көлікке ие бол алмай қалған.
Екі көлік бүйірімен соғысқан. Infiniti көлігі алдымен жолдың жиегіне шығып, артынша арыққа түсіп кеткен.
Infiniti көлігіндегі жүргізуші де, жолаушыда зардап шекті. Жедел жәрдем екеуін де ауруханаға алып кетті.
Жол апатының орнында полиция қызметкерлері жұмыс істеп жатыр.