Қорғастық шекарашылар жалпы құны 6 950 000 теңгені құрайтын темекі өнімдерін елімізге контрабандалық жолмен алып өтпек болған үш Қазақстан азаматын ұстады, деп хабарлайды Zakon.kz ҚР ҰҚК ШҚ баспасөз қызметіне сілтеме жасап.
"Контрабандашылар "Голден Дир" және "Алюр" маркалы темекі өнімдері толтырылған 35 қорапты алдын ала Халықаралық шекара бойы ынтымақтастығы орталығының аумағындағы шетелдермен қатынасатын автокөліктер тұрағының маңайындағы арыққа жасырып кетіпті. Оны кешкісін Орталық аумағын аралап жүрген шекара наряды тауып алған", - делінген хабраламада.
Қылмыскерлердің ойларын әріден аңғарған шекарашылар тауар табылған жерге тосқауыл қояды. Түн қараңғылығын жамылып, сағат 4-тер шамасында сол жаққа қарай жасырын келе жатқан 28, 29 жастардағы үш жігіт қылмыс үстінде қолға түсті.
Аталған іспен Панфилов аудандық полиция бөлімі айналысуда.