Алматыда екі ит үш жасар қызды талап өлтірді, деп хабарлайды Zakon.kz.
Қалалық ПД баспасөз қызметі хабарлағандай, аталған дерек бойынша Алатау аудандық полиция басқармасы ҚР ҚК 104 бабы бойынша тергеу бастады.
– Үш жастағы қыз бала өз үйінің ауласында қайтыс болды. Қайғылы оқиға болған сәтте баланың әкесі үйде болған. Ротвейлер тұқымды екі үй итін арнайы қызметтер оқшаулады. Іс бойынша сараптамалар тағайындалды, мән-жайлар анықталуда, – деп хабарлады полиция.
Қайғылы оқиға 29 наурызда "Құрылысшы" ықшамауданындағы жекеменшік үйдің ауласында орын алды.