Алматы полициясы жаңбыр кезінде арық жүйесінің темір торларын әдейі сындырған екі жігітке қатысты шара қолданбақ, деп хабарлайды Zakon.kz.
Құқықбұзушылық дерегі видеоға түсіп қалды.
- Мұндай деректерге мүлдем жол берілмейді. Бұзылған немесе тіпті түбімен жұлынған темір тор бірден бірнеше ыңғайсыз жағдайлар әкеп соғуы мүмкін, оның ішінде адамдардың қоршаусыз қалған ойыққа түсіп кету қауіптері де бар. Өкінішке орай, ел ішінде мұндай қайғылы жағдайлар жиі болып жатады. Екіншіден, әңгіме салық төлеушілердің қаражатына жасалған мүлікті әдейі бұзуда болып отыр. Бұл фигуранттар тез арада анықталып, заң бойынша жауапкершілікке тартылатын болады, - деді Алматы қаласы Полиция департаментінің ресми өкілі Салтанат Әзірбек.