Шымкенттік полицейлерді түн ортасында белгісіз біреу тік аяқтан тұрғызды. Ол қалада өзінің теракт жасауы мүмкін екендігін хабарлаған, деп жазады Zakon.kz.
Шымкент қаласының Полиция департаменті таратқан ақпаратқа сәйкес, қоңырау түнгі сағат 00:15 түскен.
- Оқиға орнына жеткен Шымкент қалалық Полиция департаменті Экстремизмге қарсы күрес басқармасының қызмектерлері жедел іздестіру шараларының барысында күдіктіні ұстады. Қолға түскен азамат Шымкент қаласына қарасты Тассай елді мекенінің тұрғыны болып шықты. Аталған дерек бойынша ҚР ҚК 273 - "Терроризм жайлы жалған ақпарат беру" бабына сәйкес сот алды тергеу жүріп жатыр, - деді Шымкент қалалық Полиция департаментінің өкілдері.