Ақсай-5 шағын ауданының тұрғындары өз үйлеріне өте жақын жүргізіліп жатқан құрылыс жұмыстарына наразылық білдіріп отыр. Ең сорақысы 13 қабаттың балконына кран жебесі кіріп кеткен, деп хабарлайды Zakon.kz.
Оқиға видеосы kris_p_brothers_official паблигінде жарияланды. Онда кран жебесінің балконның ішіне кіріп тұрғаны көрініс тапқан. Ал келесі бір бейнежазбада ол бір қабат жоғары орналасқан пәтердің терезін қиратуға шақ тұр. Бейнежазба авторы өз кезегінде құрылыстың заңсыз жүргізіліп жатқандығын алға тартуда.
- Әуезов ауданындағы Ақсай-5 шағын ауданында "Үш Сұңқар" ТК заңсыз құрылысы жүргізіліп жатыр. Құзырлы мекемелердің барлығына арыз жазылды, бірақ құрылыс әлі күнге шейін жалғасуда. 2019 жылы 14 мамыр күні кран "Арыстан" ТК 2 блогінің 13 қабатына кіріп кетті. Кранды басқарып отырған адам ішімдікке мас болуы мүмкін немесе ақыл-есі сау емес, - делінген видео жазбасында.
Жазбаға қатысты қалдырылған пікірлердің көбесінде құрылыстың расыменде тұрғын үйге тым жақын жүргзіліп жатқандығы айтылған.