Ват-сап пен әлеуметтік желілерде Алматы облысы әкімінің орынбасары Бағдат Мәнізоровтың үйін тінту кезінде түсірілген деген видео тарауда, деп хабарлайды Zakon.kz.
Видеода бөлмеде шетел валютасына лық толы сөмке көрсетіліп, бұл Алматы облысы әкімінің орынбасары Бағдат Мәнізоровтың үйін тінту кезінде түсірілгені айтылады. Өткен аптада әкім орынбасарының ұсталғаны туралы мәлімет расталды. Әзірге, бұл жайтқа қатысты ресми егжей-тегжей мәлімет берілген жоқ.
Шындығында, әлеуметтік желіде тарап жатқан бұл видео, негізінен Ресейде түсірілген. Ол РФ ФСБ полковнигі Кирилл Черкалиннің үйін тінту кезінде түсірілген. Одан 12 миллиард рубльді құрайтын ақша тәркіленген. Үш пәтерінен де ақша толы сөмкелер табылған.
Бұл видеоның Ростов облысы губернаторының орынбасары Сергей Сидаштың ұсталуына да қатысты болуы мүмкін.
