Қарағанды облысының полиция қызметкерлері 42 жастағы әйелді өлтіріп, өртеді деген күдікпен екі жас жігітті ұстады, деп хабарлайды Zakon.kz облыстық полиция департаментінің баспасөз қызметіне сілтеме жасап.
2019 жылдың 13 қарашасында Дубовка ауылынан екі шақырым жерде қорлау белгілері бар, жартылай өртенген әйелдің денесі табылды. Алдын ала тергеу барысында жәбірленушінің жеке басы анықталды. Ол 42 жастағы Абай ауданының тұрғыны болып шықты. Аталған факті бойынша ҚР Қылмыстық кодексінің 99-бабы 1-бөлімі, яғни "Адам өлтіру" бойынша қылмыстық іс қозғалды.
- Жедел-іздестіру іс-шаралары барысында облыстың криминалдық полициясы 21 жастағы күдіктіні анықтады, ол өзара жанжал кезінде әйелге ауыр жарақат келтіргенін мойындады. Содан кейін қылмысын жасыру үшін ол өзінің 21 жастағы досымен бірге мәйіт табылған жерге апарып, оны өртеген. Қазіргі уақытта басты күдікті уақытша ұстау изоляторына қамалды. Екінші күдіктіге қатысты алдын-алу шаралары жүргізілуде, деп хабарлады облыстық ПД баспасөз қызметі.
Сол күні Нұра ауданының полиция қызметкерлері тағы бір аса ауыр қылмыстың бетін ашты. Полиция Нұра ауылындағы дүкендердің бірінде 57 жастағы сатушыны пышақпен қорқытып, ақшасын иемденуге тырысқан күдіктінің 52 жастағы ауыл тұрғыны екенін анықтады. Аталған факті бойынша ҚР Қылмыстық кодексінің 192-бабының 1-бөлігі, яғни "Қарақшылық" бойынша қылмыстық құқық бұзушылық негізінде сотқа дейінгі тергеу басталды.
Ұсталған адам уақытша ұстау изоляторына қамалды.
