Шымкентте бір әйел өзін-өзі өртемек болды, деп хабарлайды zakon.kz қалалық ПД баспасөз қызметіне сілтеме жасап.
Оқыс оқиға 3 желтоқсанда кешке Тассай мөлтек ауданында болған.
Полицияның мәліметінше, 1988 жылғы әйел Юсуф Сареми көшесіндегі алаңда үстіне жанғыш сұйықтық (бензин) құйып, одан соң от қойған.
Әйелдің денесінің 80% күйік шалып, ауруханаға жеткізілді. Қазір ол жансақтау бөлімінде жатыр.
Аталған факті бойынша, ҚР Қылмыстық Кодексінің 105-бабы, яғни "Өз-өзіне қол жұмсауға жеткізу" бойынша сотқа дейінгі тергеу ісі қолға алынды.
Алдын ала ақпарат бойынша, әйелдің суицид жасауына сүйіктісімен ажырасуы себеп болған.
