Мектеп ішіндегі дәретхана елдің ашуын туғызды, деп хабарлайды zakon.kz "Мой город" басылымына сілтеме жасап.
- Міне, осы мектепте балаларым оқиды. Жиналысқа келген едім, соңғы жағдайларға байланысты мектеп ішіндегі дәретханаға бас сұқтым. Бұл арада, міне, мынандай көрініске тап болдым, унитаздар ортақ бөлмеде, бір-бірінен оқшауланбаған. Этиканы айтпағанның өзінде мұның өзі ыңғайсыз ғой, - дейді қала тұрғыны Николай.
Қала әкімдігі жағдайға түсінік беріп, мұндай келеңсіз жайт жақын арада жойылатынын хабарлады.
- Кейбір мектептерде мұндай фактілер бар. Бұл - ескі жоба, ол кезде дәрет орындары бір-бірінен оқшауланбайтын. Биыл ондайдың көзі жойылады, - деді қала әкімінің орынбасары Ұлықбек Тінәлиев.
