Қарағанды облысының кейбір кенттері мен ауылдық округтерінде төтенше жағдай жарияланды, деп хабарлайды zakon.kz.
ҚР ІІМ ТЖК Дағдарыс жағдайларында басқару орталығының хабарлауынша, күрделі метеорологиялық жағдайға байланысты (дауылды жел, боран, жауын-шашын) Қарағанды облысының бірнеше елді-мекендерінде төтенше жағдай жарияланды.
"Осакаров ауданы әкімінің шешімімен Осакаровка, Молодежный және Сарыөзек, Қарағайлы, Сұңқар, Пионерский, Озерный, Николаевский, Тельман, Құндызды кенттері аумағында жергілікті ауқымдағы табиғи сипаттағы төтенше жағдай жарияланды" делінген хабарламада.