Алматы қалалық полициясы танымал спортшы Қуат Хамитовтың дезинфекция жасаушыларды ұрып-соғып, тікұшақтарды атып түсіру туралы үндеуіне қатысты түсініктеме берді, деп хабарлайды zakon.kz.
Алматы ПД-нің ресми өкілі Салтанат Әзірбектің айтуынша, Хамитовтың қатысуымен зорлық-зомбылыққа шақырған бейнеролик зерттелген. Факт ҚР Қылмыстық кодексінің 272-бабы, 3-бөлігі бойынша сотқа дейінгі тергеудің бірыңғай тізіліміне тіркелді. Хамитов тиісті процессуалдық әрекеттерді жүзеге асыру үшін Алматы қаласының полиция департаментіне жеткізілген.
- Қылмыстық іс бойынша тергеу шаралары кешенінің нәтижелері бойынша соңғы процессуалдық шешім қабылданады. Оның іс-әрекетіне баға беріледі, - деді Алматы қаласы ПД баспасөз қызметі.
Айта кетсек, мемлекеттік қызметкерлердің заңды талаптарына белсенді түрде бағынбауға шақыру және жаппай тәртіпсіздіктерге шақыру немесе елді арандату, сондай-ақ азаматтарға зорлық-зомбылық жасауға шақыру үш жылға дейін бас бостандығын шектеуге немесе сол мерзімге бас бостандығынан айыру жазасы тағайындалады.
Тақырыпқа орай: Қуат Хамитов жұртты дезинфекция жасаушыларды ұрып, тікұшақтарды атуға шақырды
