"Есіл" ауданының мобильді тобы түнгі рейд жүргізу кезінде карантин режимінің шектеу шараларына қарамастан өз қызметін жүзеге асырған спа-салонды анықтады, деп хабарлайды zakon.kz Нұр-Сұлтан қалалық ПД баспасөз қызметіне сілтеме жасап.
Коттеджде орналасқан салонда бес келуші спа-процедураларды қабылдаған.
Клиенттерге салонның алты жұмыскері қызмет көрсеткен. Аталған мекеменің иесі және жұмыскерлері өз іс-әрекеттерімен тыйым салынғанды елеместен адамдардың денсаулығына қауіп төндірген. Мекеменің иесіне қатысты ҚР ӘҚБтК 425-бабы бойынша әкімшілік өндіріс қозғалады.
Құрамында полиция қызметкерлері, әкімдіктің және Нұр-Сұлтан қаласы бойынша Тауарлар мен қызметтердің сапасы мен қауіпсіздігін бақылау басқармасының қызметкерлері бар мобильді топ күн сайын кешкі және түнгі уақытта локальді рейдтік іс-шаралар жүргізуде. Көңіл көтеру мекемелері, дәмхана, мейрамхана барлар, компьютерлік клубтар және карантиндік шектеу шараларын сақтау талаптары да тексерілуде.
