Алматыдағы Сейфуллин даңғылында, Ақан Сері көшесімен қиылыс тұсында жол апаты болды, деп хабарлайды zakon.kz.
Сейфуллин көшесімен солтүстік бағытта келе жатқан Hyundai Elantra көлігінің жүргізушісі 1987 жылы туған жігітті қақты. Қатты соққыдан ер адам 50 метрден астам жерге дейін ұшып түсті.
Марқұмның жанында екі досы болған екен. Олардың сөзінше, үшеуі жолды бағдаршамның жасыл шамына өтпек болған. Бірақ қатты жылдамдықпен келе жатқан көлікті екі-үш қадамға алға озған досы байқамай қалыпты.
Қатты соққыдан ер адам оқиға орнында көз жұмды.
Оқиға орнында жүрген полиция қызметкерлері жол апатының мән-жайын анықтауда.