Қарағанды облысының денсаулық сақтау басқармасы автобус аударылып, ауруханаға түскендердің жағдайы туралы айтты, деп хабарлайды zakon.kz.
Оқыс оқиға жексенбі күні - 13 желтоқсанда Ақтоғай ауданы маңында болған. Автобуста 11 жолаушы мен көлік жүргізушісі болған.
Сегіз адам жарақат алды.
Бір адам мидың шайқалуымен ауруханаға жатқызылды, екеуі тексеруден кейін ауруханаға жатудан бас тартты, бесеуі түрлі жарақаттар мен үйден емделу үшін ауруханадан босатылды. Зардап шеккендердің барлығы - Қазақстан азаматтары.