Алматыда азаматтарды 400 миллион теңгеге тақырға отырғызған адам ұсталды, деп хабарлайды zakon.kz.
43 жастағы Шығыс Қазақстан облысының тумасы 2014 жылдан бастап алматылықтарды алдап, ақшасын заңсыз алып келген.
"Хан Тәңірі" тұрғын үй кешенінен "жалға берілетін баспана" мемлекеттік бағдарламасы бойынша пәтер сатып алуға, сондай-ақ тәркіленген жер учаскелері мен көліктерді электронды аукциондардан арзан бағамен сатып алуға көмектесе аламын" деген желеумен ол бірқатар адамның сеніміне кіріп, олардың қомақты қаражатын иемденген, келтірілген материальдық шығын көлемі - 400 миллион теңгеден асады, - делінген ҚР Ішкі істер министрлігінің ресми сайтында.
Сотқа дейінгі тергеу ісі басталды.
- Тергеу жалғасуда. Біз осы адамның заңсыз әрекеттері салдарынан зардап шеккендер болса, мына мекен-жайға хабарласауын сұраймыз: Алматы қаласы, Масанчи көшесі, 55, Алматы қалалық ПД, ІІБ, АППБ Ішкі істер басқармасы аға тергеушісі И.Г.Литвиненко. Телефон нөмірлері: 261-84-90, 254-40-59 және 8-775-284-55-56, - дейді Алматы қаласы ІІД Тергеу басқармасы бөлімінің бастығы Әділ Салаев.
