Желіде Арқалық қаласында түсірілген видео тарады. Одан тәртіп сақшыларының ескі Mitsubishi Pajero-ны қуып бара жатқанын көруге болады. Көліктің рөлінде бала отыр, әрі ол жалғыз емес. Жолаушы орындығындағы ер адам оны тоқтатудың орнына, полицейлерді балағаттап әлек, дейді zakon.kz kolesa.kz-ке сілтеме жасап.
Бір кезде тәртіп сақшылары күшпен тоқтату жөнінде шешім қабылдап, автокөліктің дөңгелегіне оқ атады. Бұған ызаланған ересек жолаушы рөлде бала отырғанын айтып, айқай салады.
Ескерту! Видеода балағат сөздер айтылады. 18+
Посмотреть эту публикацию в Instagram
Оқиғаның қалай аяқталғаны әзірше белгісіз. Видеодан екі шинаның тесілгені байқалады. Жол талғамайтын көлік ұсталған сияқты, алайда жергілікті полиция департаменті бұған қатысты ресми мәлімет бермеді. Жуырда заң бұзғандар кешірім сұраған видео жариялануы мүмкін.