Семейде Шәкәрім атындағы университет отқа оранды. Өрт білім ордасының дәрісханасынан тұтанған, деп хабарлайды zakon.kz КТК-ға сілтеме жасап.
Жалынды ауыздықтауға 50 өрт сөндіруші мен он төрт техника жұмылдырылды. Себебі: қарқын алған от төңірегіне ілезде тараған. Тіпті университетің мұрағат қоры мен кітапханасын да жалмап кете жаздады.
Абырой болғанда жедел жеткен өрт сөндірушілер өртті дер кезінде ауыздықтап үлгерді. Студенттер мен ұстаздар қауымы жазғы демалыста болып, зардап шеккен ешкім жоқ. Есесіне ғимараттың 150 шаршы метр аумағы күлге айналды. Қазір мамандар өрттің нақты неден тұтанғанын тексеріп жатыр.