Нұр-Сұлтанда полиция қызметкерлері екпе құжатын қолдан жасаған күдіктіні ұстады, деп хабарлайды zakon.kz.
Полиция кез келген құжатты жасай алатынын айтып, қызметін ұсынған ер адамды байқап, назарға алды. Күдікті елорда тұрғындарына екпе құжатын 20 күнде дайындап беруге уәде еткен. Оның үстіне ол өз қызметі үшін ақысын алдын ала сұрап, құжатты дайындау уақытына қатысты ешқандай проблема болмайды деп сендірген.
Ер адам жұмысының маңында 50 мың теңге көлемінде ақша алып жатқан жерінен ұсталды. 28 жастағы күдіктінің айтуынша, екпе төлқұжаттарына сұраныстың барын ескеріп, қосымша ақша табуды шешкен.
Аталған факті бойынша қылмыстық іс қозғалды. Алданған азаматтар мен жалған екпе төлқұжаттарын алу үшін оған жүгінген адамдардың саны анықталып жатыр, - деп толықтырды Нұр-Сұлтан қалалық ПД.