Қапшағайдағы алапат өрттің мән-жайы белгілі болды, деп хабарлайды zakon.kz.
22 тамызда түнге қарай Қапшағайда Степная көшесіндегі қараусыз ғимарат өртенді.
Алматы облысы Төтенше жағдайлар департаментінің мәліметінше, өрттің жалпы аумағы 150 шаршы метрді құрады.
Өрт сағат 23.50-де сөндірілді. Құрбандар мен зардап шеккендер жоқ, - деп хабарлайды баспасөз қызметі.
Сонымен қатар, қатты жалын салдарынан көршілес ғимараттың пластикалық терезелері мен жақын жерде тұрған көліктер де зақымданған.
Өрттің шығу себебі анықталып жатыр.