Өскеменде екпе төлқұжатын сатқан бес адам ұсталды, деп хабарлайды zakon.kz.
ШҚО ПД баспасөз қызметінің хабарлауынша, олардың арасында екі дәрігер бар.
Бұл қызметке қызығушылық танытқан азамттар шотқа 20 мың теңге аударып, жеке куәлік көшірмелерін делдал арқылы беріп отырған.
Сонымен қатар, медициналық мекемеге барудың қажеті болмаған. Тергеу бұл схеманың қай уақыттан бастап қолданысқа енгенін және қанша адам вакциналау төлқұжатын өтірік жасатып алғанын анықтап жатыр, деп хабарлайды ведомстводан.
Медицина қызметкерлері "екпе төлқұжатын" тек жиырма адамға беріп үлгергендерін мойындады.
Облыстық ПД сотқа дейінгі тергеу нәтижелері бойынша олардың медициналық базаға енгізген барлық қате мәліметтері жарамсыз болатынын атап өтті.