Жамбыл облысындағы әскери бөлімнің тағы бір әскери қызметкері қаза тапқаны белгілі болды, деп хабарлайды zakon.kz.
Бұған дейін Қорғаныс министрі төрт адамның қаза болғанын хабарлаған болатын.
Өрт сөндіру бөлімінің бастығы, келісімшарт қызметінің кіші офицері, 1992 жылы туған Нәдірбеков Еркін Ерікбайұлы инженерлік оқ-дәрі қоймасындағы өртті сөндіру жұмыстарын басқарған. Ол жарылыстан кейін оқиға орнында қайтыс болды. 27 тамызда таңертең ол қайда екені белгісіз әскери қызметкерлер тізіміне тұрған, - деп хабарлады ҚР Қорғаныс министрлігінің баспасөз қызметі.