Алматы полициясы тапсырыспен ұйымдастырылған автокөлік өрті қылмысының бетін ашты, деп хабарлайды zakon.kz.
Департаменттің мәліметінше, қылмыс 2021 жылда мамыр айының соңында орын алған.
Жанғыш сұйықтықты қолданған (сарапшылар растаған) үш ер адам 33 жастағы келіншектің Kia автокөлігін әдейі өртеген. Күдіктілер көлік өртін ұйымдастырғанын мойындады. Оларға қасақана от қою үшін 400 мың теңгеге тапсырыс келіп түскен, деп хабарлайды баспасөз қызметі.
Тапсырысты орындаушылар уақытша ұстау абақтысына қамалды.
Тапсырыс беруші Алматы қаласының ПД уақытша ұстау изоляторына тоғытылды. 8 қыркүйекте тергеушілер сотқа "қамауда ұстау" түріндегі бұлтартпау шарасын қолдану туралы өтініш түсірді, - дейді полициядағылар.
