Түркістан облысында мас жүргізуші жол апатын жасап, бір адам қайтыс болды, деп хабарлайды zakon.kz.
Облыстық полицияның мәліметінше, оқыс оқиға Жартытөбе – Шолақ-Қорған тас жолында болған.
Daewoo Nexia жүргізушісі рөлге ие бола алмай, жолдың оң жағына шығып кеткен. Салдарынан жолаушылардың бірі жарақатты көтере алмай, оқиға орнында қайтыс болды, дейді полиция өкілдері.
Медициналық тексеруден кейін жүргізушінің мас екені расталды.
Күдікті уақытша ұстау абақтысына қамалды. Қазіргі уақытта сотқа дейінгі тергеу жүргізілуде, деп хабарлады ПД.
Жайна Тәттімбетова