Алматыда мас ер адам ауруханада шу шығарды, деп хабарлайды zakon.kz.
Боқауыз ер адам тәртіп сақшыларын да ащы тілімен сыбап алды.
27 қыркүйекте мас Ш. есімді азаматтың қалалық жедел шұғыл көмек көрсету ауруханасы аумағында қоғамдық тәртіпті бұзып, басқа азаматтардың мүлкіне зиян келтіруі бойынша заң бұзушылық әрекеттері тіркелді, - деді Алматы қалалық ПД бастығының тергеу жұмыстары жөніндегі орынбасары Рустам Әбдірахманов.
Бұл факт Алмалы ауданының полиция бөлімінде тіркелді.
Қазіргі уақытта қажетті тексеру жұмыстары жүргізіліп жатыр.