Аяжан Еділованы зорлау және өлтіру ісі бойынша басты сот қарауының күні белгіленді, деп хабарлайды Zakon.kz.
Бұл туралы Алматы қалалық соты хабарлады.
Алдын ала тыңдау (Аяжан Еділованың өліміне қатысты іс – ред.) аяқталды. Оның қорытындысы бойынша, басты сот қарауының күні белгіленді, 9 қарашада сағат 10:00-де өтетін болады. Процесс жабық режимде өтеді. Алдын ала тыңдауларда сотталушы істі алқабилер сотының қарауынан бас тартты. Заңға сәйкес, істі судья жалғыз өзі қарайды, деді Алматы қалалық сотының баспасөз қызметі.
19 наурызда Алматыда 19 жастағы Аяжан Еділова жоғалып кетті. 22 наурызда оның өлтірілгені анықталды. Полиция "Кісі өлтіру" бабы бойынша тергеуді бастады, іс бойынша Түркістан облысының 1993 жылы туған тұрғыны ұсталды.
Аяжан Еділованың денесі бөлшектелгені белгілі болды. Күдікті Аяжанның денесінің бөлшектерін қоқыс жәшігіне лақтырып үлгерген.
Бақытжан Отарбаева
