Ыстамбұлда жойқын дауыл тұрып, айналаның астан-кестенін шығарды: көліктерді төңкеріп, тұрғын үй шатырларын жұлып, ғимараттарды бүлдірді, деп хабарлайды Zakon.kz.
Жергілікті құтқару қызметінің мәліметінше, кем дегенде екі адам қаза тапты. Олар ғимараттың шатырының құлауы салдарынан опат болды.
БАҚ ондаған үйлердің бүлінгені туралы хабарлайды. Жел ағаштарды құлатып, электр сымдарын үзген.
Түркияның Жағалау күзеті таңертең Босфор арқылы кемелердің қатынауы тоқтатылғанын хабарлады. Сонымен қатар, алты рейстің ұшақтары қондырылмай, Анкара мен Измирге бағытталды.
Синоптиктер қолайсыз ауа райының сейсенбі күннің соңына дейін сақталатынын болжайды.
Fierce storm kills two people, causes damages in northwestern Turkey. https://t.co/Yvzd12G6D4 pic.twitter.com/4DYYLVbIwF
