Қарағандыдағы тас жолда төрт автокөліктің қатысуымен жол апаты орын алды, деп хабарлайды Zakon.kz.
Облыстық полицияның мәліметінше, оқиға 7 желтоқсанда таңертең болған.
Nissan жүргізушісі Майқұдық – Сортировка автожолымен жүріп келе жатып, тізгінге ие бола алмай, қарсы бағытқа шығып, Toyota-мен соқтығысқан.
Toyota-ның соңынан келе жатқан КамАЗ жүргізушісі жол көлік оқиғасын алдын алу үшін тежегішті басып, қарсы қозғалыс жолағына шығып кеткен. Соқтығысқан барлық машиналар кюветке ауып кетті. Қарағанды облысы ПД баспасөз қызметі
Жеңіл автокөліктердің жүргізушілері медициналық мекемеге жеткізілді.
Тиісті сараптамалар тағайындалды.