Маңғыстау облысында Жетібай-Шетпе тас жолында қатты дауылдан құм көтеріліп, айнала көрінбей қалды, деп хабарлайды Zakon.kz.
Автокөлік жүргізушілері табиғаттың тосын мінезі кезіндегі сәтті видеоға түсіріп, әлеуметтік желіге жүктеді. Бақытымызға орай, полиция департаментінің мәліметінше, өңірдегі барлық трассалар ашық, ешқандай жол апаты тіркелмеген.
Шаңды дауыл тек Жетібай-Шетпе тас жолының 96-шақырымында болған. Кеше ауа райының қолайсыздығы туралы тұрғындарға хабарлама жіберілді. Онда желдің жылдамдығы секундына 19-22 метрге жететіні айтылған, деп хабарлайды Хабар-24.