Оны колония қызметкерлері мекеме аумағына кіру кезіндегі тінту кезінде анықтады. Дүкен иесі мекеме аумағында орналасқан дүкеннен мерзімі өткен өнімдерді шығару үшін мекеме аумағына жеңіл көлікпен өтпек болған. Тексеру кезінде колония қызметкерлері жеңіл көліктің артқы орындығының астынан зарядтау құрылғысы бар ұялы телефон тауып, тәркіледі.
Сотталған адамдар мен олардың жанашырларының қиялын болжау мүмкін емес. Олар тыйым салынған заттарды ерекше жолдармен жасыруға тырысады. Алайда қызметкерлер сотталғандар мен олардың жанашырларының айлаларына үйреніп қалған, — деді мекеме бастығының режимдік-жедел жұмыс жөніндегі орынбасары Нұрсұлтан Айтбеков.
Дүкен иесіне қатысты ҚР ӘҚБтК-нің 481-бабы бойынша әкімшілік жауапкершілікке тарту туралы материалдар сотқа жолданды.
Ол өзінің осы іс әрекеті үшін әкімшілік жауапкершілікке тартылатын болады.