Балалардың әкесі бір ғана баланың әкесі ретінде жазылған. Ол да балаларына қарамаған.
Павлодар облыстық сотының хабарлауынша, ерлі-зайыпты бәрі үшін өкініп отыр. Олар өз кінәсын мойындап, түзелуге уәде берді.
Сот оларға балаларды оқыту, құқығы мен мүддесін қорғау жөніндегі міндеттерін орындамағаны үшін 30 630 теңге айыппұл салды. Бірақ отбасының материалдық жағдайы мен алимент төлеу міндеттемесіне байланысты айыппұл мөлшері 30%-ға қысқарған. Қаулы әлі заңды күшіне енген жоқ.
Сонымен қатар сот ювеналды полиция тобының инспекторы әкімшілік құқық бұзушылық туралы хаттама жасау кезінде анықтаған заң бұзушылықтар үшін «Павлодар облысының полиция басқармасы» ММ басшылығына қатысты жеке ұйғарым шығарды.
Қазір 4 бала Павлодар қаласының емдеу мекемесінде жатыр. Отбасы бақылауға алынған. Сонымен бірге олар есепке алынады.
Еске сала кетейік, Екібастұздағы пәтерлердің бірінен еріктілер 2016, 2014, 2017 және 2018 жылы туған төрт баланы тапқан еді. Екібастұз қаласының әкімдігінің мәліметінше, балалардың анасы 1994 жылы туған. Ал балалардың әкесі жұмыс істемейді.
Cонымен қатар екібастұздық «Маугли» балалардың оқиғасы жарияланғаннан кейін екі қаланың әкіміне сөгіс жарияланды.