Шамасы, әйел адам рельспен жүріп келе жатып, аяғы тайып, теміржол көпірінен құлап кеткен. Тілден қалған әйелдің жағдайы өте ауыр болды.
Әйел құлаған жерде подъездің болмауы жағдайды қиындатты, сондықтан құтқарушылар төменге түсіп, зардап шегушіні зембілге мұқият салып, жедел жәрдем көлігіне жеткізіп, дәрігерлерге тапсырды.
Құтқарушылар облыс тұрғындарына көктайғақ кезде өте сақ болуды ескертті. Дәрігерлердің айтуынша, мұндай күндері зардап шеккендердің саны екі есеге артады.