Сергей Катновтың айтуынша, Қазақстанда сатып алынатын қарудың 90%-ға жуығы –аңшылық қару. Қазақстандықтар үшін басқа елдерде жиі кездесетін өзін-өзі қорғау құралдарын сатып алу заңнамасы қатаң шектелген.
Баллон және газ тапанша алып жатады. Ал электр есеңгіреткіштерді алмайды. Себебі оны алу тәртібі басқаша. Олар атыс қаруына теңестірілді, дегенмен бүкіл әлемде бұл өзін-өзі қорғау құралы еркін сатылады. Үйде қорғануға тегіс ұңғылы атыс қаруы рұқсат етіледі. Қаңтар оқиғасынан кейін сұраныс тым қатты өсіп кетті деп айта алмаймын. Бірақ әжептәуір сатып алып жатыр.Сергей Катнов
Сарапшының айтуынша, әр қару белгілі бір жағдайда тиімді. Көшеде біреу тиіскен жағдайда баллон мен электр есенгіреткіш жеткілікті. Ал бірнеше адам шабуыл жасаса, электр есенгіреткіш жарамай қалады. Себебі ол адаммен нақты байланыс болғанда көмектеседі. Ал газ баллоны жабық жерде иесіне де кері әсер береді.
Осы және басқа себептерге байланысты бүкіл әлемде қысқа ұңғылы атыс қаруы өзін-өзі қорғаудың ең тиімді құралы болып саналады. Мысалы, тапаншалар мен револьверлер. Әдетте, бұл қаруды шығарып, көрсетудің өзі жеткілікті. Алайда елімізде пистолет еркін сатылмайды.
Сарапшы қазір Қазақстанда қаруға қатысты заңның қатал болғаны сонша, оны одан әрі қатайту толық тыйым салуға алып келуі мүмкін екенін айтады. Ал қаңтар оқиғасы бізді қалыптасқан нормаларға жаңаша қарауға мәжбүр етіп, бір-біріне жалғасқан проблемаларды ашты.
Негізінде біз Ішкі істер министрлігімен жақсы байланыста жұмыс істеп жатырмыз. Қаңтар оқиғасынан кейін қажет шараларды белгіледік. Олар жүзеге асырылады. Қауіпсіздік тұрғысынан қару қоймаларының инженерлік қорғанысы қазірдің өзінде жақсы жұмыс істейді. Біз оның осылай жұмыс істейтінін күткен де жоқпыз. Тағы бір мәселе, тәртіп сақшыларының жауап беруге күші де, құралдары да жетпеді. Осылайша, дүкендер бес минуттық жылдамдықпен алты сағаттан екі күнге дейін созылды.Сергей Катнов
Қазақстан қару-жарақ қауымдастығының өкілі дүкендерден, сауда алаңдарынан тонаушылар ұрлаған қарулар тәртіпсіздік кезінде атылмағанын айтты. Олар жарамсыз болған. Бірақ бір ерекшелік: шабуылдаушылар қоймаларға кіріп үлгерген жағдайлар болды.
Қылмыскерлердің қоймаға барып, қару алуына екі күн уақыт болды. Оларды ешкім тоқтатпады. Тәртіп сақшылары, айтқанымдай, ол кезде басқа да мәселелерді шешіп жатқан. Ал біз қазір қоймалардағы қаруларға деактивация жасап, сөндірілуін қамтамасыз ету шарасын қолға алып жатырмыз.Сергей Катнов
Сарапшы қайғылы қаңтар оқиғасы кезінде үрейленген Қазақстан халқы әсіресе радикалды тонаушылар мен басқыншылардан қорғанатын ештеңесі жоқ екенін анық түсінгенін айтып өтті.
Біздің бірлестікке заңнаманы өзін-өзі қорғау тұрғысынан қайта қарау қажет екені туралы көптеген өтініш түсті. Травматикалық қаруды айналымға қайтару, қысқа ұңғылы винтовкаларды, яғни нағыз тапаншалар мен револьверлерді енгізу туралы ұсыныстарымызды бердік. Алыс елдердің тәжірибесін алмаймыз, біз ТМД елдеріне назар аударамыз. Бүкіл Балтық елдері, Молдова, Беларусь, Грузия азаматтарына тапанша мен револьвер алуға рұқсат етілген елдерде қылмыстың өсуі байқалмайды. Оның үстіне мен Литвадан келген әріптесіммен сөйлестім. Оның айтуынша, олардың тұрғындары көшеде тыныш жүре бастады. Өйткені қылмыскерлер адамдар тойтарыс бере алатынын біледі.Сергей Катнов
