Петропавлдағы №2 жылу орталығында тағы да апат орын алды, деп хабарлады қалалық әкімдік жанындағы Ахуалдық орталық - iKomek.
Орталықтың мәліметінше, 26 наурыз күні кешке тек екі қазандық агрегаты мен екі турбина ғана жұмыс істеп тұрған.
Петропавл қаласы тұрғындары тағы да жылусыз отырғандарына шағымданды. "Қазгидромет" РМК мәліметінше, күндіз қаладағы ауа температурасы минус 2-4 °C құрайды.
21 наурызда Петропавлдағы №2 жылу орталығында үш мұржаның бірі құлап, қазандыққа зақым келді. Үйінді астынан 37 жастағы жұмысшы әйелдің денесі табылды.