ҚР Энергетика министрлігі Петропавлдағы №2 жылу орталығында қазіргі жағдай бойынша мәліметпен бөлісті.
26 наурызда сағат 21.30-да Петропавлдағы №2 жылу орталығында қолайсыз температураның (-13 С) әсерінен ашық жылу контурының импульстік түтіктерінің қатып қалуы орын алды.
Себебі - 20 наурыздағы мұржаның құлауы және сыртқы температураның төмендеуі салдарынан цехтың ауа қысымы өзгерген.
Орын алған жағдай үш қазандықтың жұмысының тоқтауына әкеліп соқты.
Қазіргі уақытта қатып қалған импульстік түтіктер қыздырылды, №2 жылу орталығындағы үш қазандық жұмыс істеп тұр, төртінші қазандықты іске қосу жұмыстары басталды, жақын арада бесінші қазандықтың да агрегаты іске қосылады. ҚР Энергетика министрлігі
Қазіргі уақытқа желідегі температура мөлшері 45 С, кешке дейін температура режимін қалпына келтіру жоспарланып отыр.