Қаржылық монитринг агенттігінің Алматы қаласы бойынша аумақтық департаменті қалалық прокуратурамен бірлесіп Қытайдан халық тұтынатын тауарларды аса ірі көлемде экономикалық контрабандалық жолмен әкелу фактісін анықтады. ҚР Қылмыстық кодексінің 234-бабы 2-бөлігінде көзделген экономикалық контрабанда фактісі бойынша «TDA Companies Group» ЖШС басшылығына қатысты сотқа дейінгі тергеу амалдары тіркелді. ҚР ҚМА баспасөз қызметі
Ведомствоның мәлімдеуінше, кәсіпорынның барлық операциялық жұмыстарын осы ЖШС директоры жүргізіп келген.
Қытайдан Еуразиялық кеден одағының кедендік аумағына заңсыз тасымалданған тауарлардың жалпы құны 585 млн теңгеден асып отыр.Кедендік төлемдер мен салықтар бойынша бюджетке төленетін сома – 125 млн теңгеден асады. ҚР ҚМА баспасөз қызметі
Сондай-ақ ҚМА баспасөз қызметі 31 наурызында Алматы қаласының мамандандырылған ауданаралық тергеу соты ЖШС директорына қатысты 2 ай мерзімге «қамау» түріндегі бұлтартпау шарасына санкция бергенін атап өтті.
Қазір таңда сотқа дейінгі тергеу амалдары жүріп жатыр.