Облыстық полицияның хабарлауынша, 11 сәуірде әйелге Нұр-Сұлтан қаласында өзін полиция қызметкерімін деп таныстырған белгісіз біреу телефон соққан.
Жәбірленушінің айтуынша, полиция оған «арнайы операцияға» қатысу қажет екенін айтқан. Ер адам ірі банктердің бірінде алаяқтықпен күресетін арнайы бөлім ашылғанын, жақын арада оған осы бөлімнің қызметкері хабарласатынын жеткізген.
Әйелді кері шақырып, алаяқтар оның атына несие рәсімдеу үшін банкке шақырған. Ол Көкшетауға барып, банк ғимаратында қаскүнемдердің бұдан арғы нұсқауын күтеді.
Сол жерде әйел 800 000 теңге несие рәсімдеп, бұл ақшаны «банкке қайтару үшін» жалған полиция қызметкерінің есепшотына аударған.
Артынша алаяқтар сол схеманы пайдаланып, оны басқа банктен екі миллион теңгеге несие алуға мәжбүрлеген.
Қылмыстық схеманы ауыл тұрғыны 14 сәуірде учаскелік полиция қызметкерімен кездесіп, оқиғасын айтқан кезде ғана білген. Артынша ол полицияға арызданды.
Қазіргі уақытта Қазақстан Республикасының Қылмыстық кодексінің 190-бабының 2-бөлігі бойынша сотқа дейінгі тергеу амалдары жүріп жатыр. Қылмыстық істі Көкшетау қалалық полиция бөлімінің қызметкерлері де тергеп жатыр. Ақмола облысы полиция департаментінің баспасөз қызметі