Ведомствоның мәліметінше, жол-көлік оқиғасы 27 мамыр күні сағат 23:30-да «Ертіс-Северное» тас жолының 27-шақырымында (Ертіс ауданы Байзақов ауылының маңында) болған.
«ВАЗ-21213» автокөлігімен жүргізуші Mercedes-Benz көлігінің жанында тұрған екі жаяу жүргіншіні қағып, оқиға орнынан кетіп қалған. Жол-көлік оқиғасы салдарынан 62 жастағы жаяу жүргінші алған жарақаттарынан көз жұмды, ал 38 жастағы ер адам сынықпен ауруханаға жеткізілді. Павлодар облысы полиция департаментінің баспасөз қызметі
Полицейлер техникалық қызмет көрсету станцияларын, гараждар мен ауылдарды аралап, күдіктіні іздеуге кірісті.
Жүргізуші табылып, ұсталды. Бұл ауылдың 36 жастағы тұрғыны болып шықты. Павлодар облысы полиция департаментінің баспасөз қызметі
Ұсталған азаматтың айтуынша, ол қорқып, оқиға орнынан кетіп қалған.
Көлік тұраққа қойылды. Оқиға бойынша тергеу амалдары жүріп жатыр. Павлодар облысы полиция департаментінің баспасөз қызметі
