Ақтөбеде қоқыс полигоны өртеніп жатыр, деп хабарлайды "Диапазон".
Депутат және "Ақтөбе, дем ал!" волонтері Евгений Лазарчук ақтөбеліктерге терезелерін жауып отыруға кеңес берді, себебі түтін қалаға қарай будақтап жатыр.
ТЖД баспасөз қызметі хабарлағандай, өрт туралы ақпарат сағат 20:02-де келіп түсті. Оқиға орнына сегіз өрт сөндіруші, төрт арнайы көлік пен "Табыс Ақтөбе" ЖШС-ның су тасығыш көлігі аттанды.
Өрт 100 шаршы метрді қамтыды. Өрт сөндіру жұмыстары әлі жүріп жатыр, қаза болғандар мен зардап шеккендер жоқ.
