25 шілде күні сағат 20:00 шамасында Төтенше жағдайлар департаментіне Кімасар шатқалында құрғақ шөп өртеніп жатқаны туралы хабарлама келіп түскен.
Өрт сөндірушілер күннің қараңғылығынан арнайы құралсыз еңіске жаяу көтерілуге мәжбүр болды. Олар 0,06 га аумақ өртеніп жатқанын анықтады.
Өрт сөндірушілер «Ермак» аспалы өрт сөндіргіштері мен күрек пайдаланды.
Оқиға орнында Төтенше жағдайлар департаменті, 109 құтқару қызметі, Қазавиаорманқорғау, Іле-Алатау МҰТП инспекторларынан 178 адам, сондай-ақ су шашашатын екі Ми-8 АМТ тікұшағы жұмыс істеп жатыр.
Құтқарушылар қала тұрғындары мен қонақтарынан таулы орман алқабында от жағудан және темекі шегуден бас тартуды сұрады.
Төтенше жағдайлар департаменті ерекше қорғалатын табиғи аумақтарда өрт қауіпсіздігі талаптарын бұзғаны үшін 300 мың теңге әкімшілік айыппұл салу қаупі төніп тұрғанын еске салды.
Салдары ауыр болған жағдайда кінәлілер жауапқа тартылуы мүмкін.