Жол-көлік оқиғасы бойынша полицейлер «Екі немесе одан да көп адамның өліміне әкеп соққан жол қозғалысы ережелерін бұзу» бабы бойынша қылмыстық іс қозғады. Бірқатар сараптама тағайындалды, деп хабарлайды Zakon.kz.
Алматы-Шелек-Қорғас тас жолының 109-шақырымында адам өліміне әкеп соққан жол апаты болды.
Куәгерлердің айтуынша, Hyundai Sonata және Daewoo Nexia жүргізушісі тас жолдың бойымен шығыс бағытта Шелекке қарай кетіп бара жатқан. Hyundai-дың жүргізушісі жолағын ауыстырып, ұзақ бұрылыстан кейін ол Daewoo-ға алдыңғы оң жағымен соғылған.
Екі жүргізуші де тізгінге ие бола алмай, жол жиегіне шығып кеткен. Сәлден соң Hyundai жүргізушісі көлікті жолға шығарған, ал Daewoo жүргізушісі шұңқырға ұшып кетіп, 30 метрдей жер дөңгелеп барып, тоқтаған.
Оқиға салдарынан әйел адам мен он екі жастағы қыз көз жұмды.
Алматы облысы полиция департаменті жол апаты сағат 13:40-та болғанын хабарлады. Hyundai көлігінің рөлінде 27 жастағы жігіт болған. Осы оқиғаға байланысты полицейлер ҚР ҚК-нің 345-бабының 4-бөлігі бойынша қылмыстық іс қозғады, бірқатар сараптама тағайындалды.
