Ақтөбе облысында 5 браконьер ұсталды

25 қазанда Ақтөбе облысының Қобда және Байғанин аудандарының аумағында полицейлер "Браконьер" жедел-профилактикалық шарасын жүргізді. Нәтижесінде 27 киік өлексесі мен қару-жарақ тәркіленді, деп хабарлайды Zakon.kz.

Облыстық полицияның баспасөз қызметі тәркіленген заттай айғақтар бойынша сараптамалар тағайындалғанын мәлімдеді.

Сондай-ақ сотқа дейінгі тергеу амалдары басталғанын айтты.

Сурет: Ақтөбе облысы ПД баспасөз қызметі

Ұсталған бес адам уақытша ұстау изоляторына қамалды.

27 қазанда Солтүстік Қазақстан облысында браконьерлер ұсталды. Полиция қызметкерлері екі пышақ, "Вепрь" маркалы карабиндер, тегіс ұңғылы мылтық пен патрондар тәркіледі.