4 қарашада Петропавлда қар тоқтаусыз жауа бастады, түні бойы да дамыл таппады. 5 қарашада қалада боран соғып, қар ұшқындап, көктайғақ орын алды, салдарынан жолдарда 10-нан астам жол апаты тіркелді, деп хабарлайды Sputnik Қазақстан.
Қазір Петропавл көшелерінде қар тазалау жұмыстары қарқынды жүргізіліп жатыр. Жауған қардың қалыңдығы - шамамен 7 мм.
Өкінішке қарай, қолайсыз ауа райына байланысты бір күнде қалада 14 жол-көлік оқиғасы орын алды. Құрбандар мен зардап шеккендер жоқ. Қазір ауа райы бұзылып, көше көктайғақ болып жатыр. Сондықтан қала тұрғындарынан жолда мұқият әрі абай болуды сұраймын. Петропавл қаласының әкімі Руслан Янбаев
СҚО ПД мәліметтері бойынша, таңғы сағат 8-ден бастап ЖКО бойынша бес өтініш келіп түскен, жол апаты туралы хабарламалар әлі де келіп жатыр.