21 қарашада сағат 13:10-да полицияға Жамбыл политехникалық колледжінің Telegram-дағы ресми парақшасына жасырын хат түседі. Онда Төле би даңғылы мен Домалақ ана көшелерінің бойында орналасқан колледж ғимараттарында бір сағатта жарылып кететін жарылғыш заттар қойылғаны хабарланды.
Арнайы іс-шараларға 22 көлік бригадасы, 100 полиция қызметкері, арнайы және жедел қызметтер, сонымен қатар қызметтік иттері бар кинологтар жұмылдырылды.Жамбыл облысы Полиция департаменті
Колледж қызметкерлері мен студенттері эвакуацияланды.
Қабылданған арнайы іс-шаралар нәтижесінде жарылғыш зат табылмады. Сотқа дейінгі тергеу басталды.