Тұрғындардың бірі баспананың заңсыз екенін ата-анасы қайтыс болған соң мұраны рәсімдеуге барған кезде білген, деп хабарлайды КТК.
"Мұрагерлікті рәсімдеуге барсам, баяғыда салынған үй картада белгіленбеген, жері мемлекеттік қордың балансында тұрған. Бізге тиесілі емес болып шықты. Жақын жердегі ауылға ауданға, облысқа жатпаймыз, салықты да, жарықты да, газды да осылай төлейміз, бірақ біз жоқ сияқты ауада тұрмыз".Мақсат Жантенов
20 отбасы дәл осындай жағдайда отыр. Олардың үйі Меркен ауданындағы Андас батыр ауылына тиесілі екендігі туралы құжаттар бар. Ал бұл құжаттарға сәйкес тұрғындар жарық пен газ үшін салық төлейді. Бірақ коммуналдық мәселелердің бірі туғанда шенеуніктер астанаға жүгінеді. Олар мемлекеттік жер қорын басқарады.
"Алты жыл бұрын балаларым мен немерелерім үшін үй салып бердім. Бірақ әлі күнге дейін баспананы ұйымдастырып, балаларыма өсиет етіп қалдыра алмай жүрмін. Мен енді жас емеспін, ең сорақысы бұған үлгермей қаламын ба деп қорқамын."Бейсенбек Қаңтарбаев
Жалғыз көшеде асфальт жоқ, жарық жоқ. Ал ауыз судың қоспасы түсініксіз. Жергілікті тұрғындар суды ескі су мұнарасынан алады. Жұрт мұнара құлап қала ма деп, су мүлдем болмай қала ма деп қорқады. Мұнара құласа, халық қайда барып шағымданарын да білмейді.
Шенеуніктер бұл жағдайды қарапайым түсіндірді. Кезінде жергілікті кәсіптік лицейдің құрылысшы-мұғалімдеріне 290 гектар жер берілген дейді. Бірақ жер тұрғын үй салу үшін емес, ауыл шаруашылығы үшін берілген деседі. Шенеуніктер қазір бұл мәселе шешіліп жатыр деп сендіріп, күтуді сұрады.
"Бұл мәселе күн тәртібінде тұрғанына көп болды. Жұмыс жүріп жатыр. Қазір Астана қалалық Әділет департаментінің жауабын күтіп отырмыз. Келісім алғаннан кейін бір айда мәслихат отырысын ұйымдастырып, мәселені, құжаттарды түзетеміз".Меркен ауданы әкімінің орынбасары Қайрат Арғынбаев
Ал адамдар осы мәселемен бірінші жыл кезігіп отырған жоқ.
