Петропавл қаласындағы №4 орта мектеп директорының оқу ісі жөніндегі орынбасары Алмагүл Қасымованің сөзінше, 15 жастағы тоғызыншы сынып оқушысы мектепке асықпай кіріп, екінші қабаттағы дәретханаға көтеріліп, киімін ауыстырып, дәлізге шыққан. Онда оқушылар бірінші сабаққа кіргелі тұрған.
Сурет: Zakon.kz
Меңгеруші полиция департаментінің жедел басқару орталығына қосылған бейнекамералар орнатылғанын, бірақ турникеттер мен металл іздегіштер жоқ екенін айтты.
Сурет: Zakon.kz
"Балаларды өзіміз кіргіземіз. Балалардың мектепке қандай жағдайда келгенін визуалды тексереміз, сәйкесінше сырттан келушілерді кіргізбеу үшін сыртқы есікті де қарап тұрамыз. Ол кезде мектепке ешкім кірген жоқ. Ол біздің оқушы". Алмагүл Қасымова
Петропавлда 9-сынып оқушысы мектепке балта мен пышақ әкеліп, салдарынан үш бала зардап шекті. Кейін баланың жасы 15-те екені, "Депрессия" диагнозымен психиатриялық есепте тұратыны белгілі болды. Ол қаладағы №4 орта мектепте 2022 жылдың қараша айында ауысып келген. Оқу ісі меңгерушісінің айтуынша, тоғызыншы сынып оқушысы мүмкіндігінше оқыған, өзін сабырлы, салмақты ұстаған.
Оқу-ағарту министрлігі 13 ақпан күні Петропавлдағы төтенше жағдайдан кейін елдегі барлық мектептің қауіпсіздігі тексерілетінін хабарлады.
